جکارتہ: انڈونیشیا میں عیدالاضحٰی کا تہوار دیگر مسلمان ملکوں کی طرح روایتی جوش و خروش کے ساتھ منایا جاتا ہے۔

اس سال عیدالاضحیٰ انڈونیشیا میں پانچ اکتوبر کو منائی جائے گی۔ اس دن پورے ملک میں تعطیل ہوگی۔

عالمی خبررساں ادارے رائٹرز کی ایک رپورٹ کے مطابق جکارتہ کے نواحی علاقے میں قائم ایک گائے کے ایک شوروم میں سیلز گرلز کو ملازم رکھنے سے اس کی فروخت میں اضافہ ہوگیا ہے۔

گائے کے اس شوروم کے مالکان کے مطابق انہوں نے یہ منفرد اقدام گاہکوں کی توجہ حاصل کرنے کے لیے اُٹھایا ہے۔

ان کا کہنا ہے کہ انہوں نے تین سال قبل سے سیلزگرلز کو ملازم رکھنا شروع کیا تھا، جس سے ان کی گایوں کی فروخت میں خاصا اضافہ دیکھنے میں آیا ہے۔

انہوں نے بتایا کہ 2012ء میں تقریباً چار سو مویشی فروخت ہوئے تھے، 2013ء میں چار سو چالیس جبکہ اس سال اب تک پانچ سو گائے خریدی جاچکی ہیں۔