سندھ ہائی کورٹ نے گریڈ 5 کے ملازم کی گریڈ 19 میں تقرری کی انکوائری کا حکم دے دیا۔

گریڈ 5 کے واٹر بورڈ کے ملازم کی بلدیات میں 19 گریڈ پر تعیناتی کے کیس کی سماعت سندھ ہائی کورٹ میں ہوئی۔

عدالت نے استفسار کیا کہ واٹر بورڈ میں گریڈ 5 کا ملازم بلدیات میں گریڈ 19 کا افسر کیسے تعینات ہوا ؟

عدالت نے حکم دیا کہ ایڈیشنل سیکریٹری بلدیات تحقیقات کرکے 22 مئی تک رپورٹ پیش کریں۔

عدالت نے ڈیپوٹیشن افسر لطیف خان کی گریڈ 19میں تقرری کی انکوائری کا حکم دیتے ہوئے چیف سیکریٹری، سیکریٹری بلدیات، ایم ڈی واٹر بورڈ اور دیگر کو بھی نوٹس جاری کر دیا۔