گوجرانوالہ: ڈی سی کالونی کےقریب بس الٹ گئی، 2 مسافر جاں بحق، 26 زخمی
مسافر بس کوہاٹ سے لاہور جاتے ہوئے پھسلن اور دھند کے باعث حادثے کا شکار ہوئی، زخمیوں میں سے 3 کی حالت تشویشناک ہے، ریسکیو ذرائع
گوجرانوالہ میں ڈی سی کالونی کےقریب مسافر بس الٹ گئی، حادثے کے نتیجے میں 2 مسافر جاں بحق اور 26 زخمی ہوگئے۔
’ڈان نیوز‘ کے مطابق ریسکیو ذرائع نے بتایا کہ مسافر بس کوہاٹ سے لاہور جاتے ہوئے حادثے کا شکار ہوئی۔
ریسکیو ذرائع نے مزید بتایا کہ حادثہ پھسلن اور دھند کے باعث پیش آیا، زخمیوں کو ہسپتال منتقل کردیا گیا ہے جن میں سے 3 افراد کی حالت تشویشناک بتائی جارہی ہے۔