پاکستان

کراچی: سابق چیئرمین میٹرک و انٹر بورڈ پروفیسر انوار احمد زئی انتقال کرگئے

انتقال سے قبل وہ ضیاالدین یونیورسٹی کے ایگزامینیشن بورڈ کے چیئرمین کے فرائض سرانجام دے رہے تھے۔

کراچی: نامور ماہر تعلیم پروفیسر انوار احمد زئی مختصر علالت کے بعد نجی ہسپتال میں انتقال کرگئے۔

پروفیسر انوار احمد زئی کو اتوار (31 مئی ) کو نماز عصر کے بعد یاسین آباد قبرستان میں سپرد خاک کردیا گیا۔

انہوں نے بورڈ آف انٹرمیڈیٹ ایجوکیشن کراچی (بی آئی ای کے)، بورڈ آف سیکنڈری ایجوکیشن کراچی(بی ایس ای کے) اور بورڈ آف انٹرمیڈیٹ اینڈ سیکنڈری ایجوکیشن میرپورخاص کے چیئرمین کے طور پر خدمات سرانجام دیں۔

وہ ای ڈی او کراچی اور صوبائی محکمہ تعلیم کے ایڈیشنل سیکریٹری بھی رہے۔

انتقال سے قبل پروفیسر انوار احمد زئی ضیاالدین یونیورسٹی کے ایگزامینیشن بورڈ کے چیئرمین کے فرائض انجام دے رہے تھے۔

انہوں نے سوگواران میں ایک بیٹا اور بیٹی چھوڑے ہیں، ان کا بیٹا سول سروس پاکستان (سی ایس پی) افسر ہے جبکہ بیٹی ڈاکٹر ہے۔

علاوہ ازیں وزیر تعلیم سندھ سعید غنی اور ضیاالدین یونیورسٹی کے وائس چانسلر ڈاکٹر عاصم حسین سمیت کئی افراد نے پروفیسر انوار احمد زئی کے انتقال پر تعزیت کا اظہار کیا۔


یہ خبر یکم جون، 2020 کو ڈان اخبار میں شائع ہوئی

سول و جناح ہسپتالوں میں توڑ پھوڑ: وزیراعلیٰ سندھ کی سخت کارروائی کی ہدایت

سعودی عرب سے 3 ہزار پاکستانیوں کی واپسی کیلئے 16خصوصی پروازیں چلانے کا فیصلہ

کورونا وبا: سندھ میں اموات 500 سے متجاوز، ملک میں مجموعی متاثرین 74ہزار 320 ہوگئے