انتخابات کے دوران سیاسی جماعتوں کے درمیان عدم برداشت بڑھتی جارہی ہے اور وہ مخالفین کو تنقید کا نشانہ بنانے کے لیے مختلف طریقہ کار اپنا رہے ہیں، جو اخلاقیات کے منافی ہیں۔

ایسے ہی واقعات گزشتہ دنوں رونما ہوئے تھے، جہاں ایک گدھے کو تشدد کا نشانہ بنا کر اس پر ’ نواز‘ لکھا گیا تھا جبکہ بعد ازاں ایک کتے پر عمران خان اور ان کے امیدواروں کی تصاویر پر مشتمل انتخابی پوسٹر لگائے گئے تھے۔

تاہم ان دونوں کے واقعات کے بعد بھی مخالفین کی نفرت کم نہ ہوئی اور انہوں نے ایک ’کتے‘ پر پاکستان تحریک انصاف ( پی ٹی آئی) کا جھنڈ لگا دیا، جو کسی اخلاقیات کے لحاظ سے کسی طور بھی مناسب نہیں ہے۔