لاہور: آئی پی ایل سپاٹ فکسنگ سکینڈل میں نام آنے کے بعد پہلی مرتبہ امپائر اسد رؤف نے میڈیا کے سامنے اپنے موقف کا اظہار کرتے ہوے اپنے اوپر لگاتے گئے سپاٹ فکسنگ کے الزامات کو مسترد کر دیا اور الزامات کو جھوٹ کا پلندہ قرار دیا-

اُن کا کہنا تھا کہ پیسہ کبھی بھی ان کا مطمع نظر نہیں رہا- وہ کبھی فکسنگ میں ملوث نہیں رہے اور وہ اس معاملے پر اپنا موقف اب انٹرنیشنل کرکٹ کونسل کو پیش کریں گے- جس کے بعد وہ میڈیا نمائندوں کے سوالوں پر جواب دیے بغیر وہ اٹھ کر چلے گئے-

ان کا کہنا تھا کہ چیمپئنز ٹرافی کے امپائرز پینل سے ان کے نام کا اخراج کھیل کے وسیع تر مفاد میں کیا گیا اور انھیں اس معاملے میں آئ سی سی سے کوئی شکایات نہیں-

وہ اس معاملے کی تحقیقات کے لئے آئ سی سی کے اینٹی کرپشن یونٹ سے ہر ممکن تعاون کریں گے تاکہ اس معاملے میں ان کا نام کلیئر کیا جاسکے۔