نو منتخب وزیر اعظم شہباز شریف کو گارڈ آف آنر پیش کیا گیا ہے۔

ڈان نیوز کے مطابق وزیراعظم ہاؤس میں شہباز شریف کوگارڈ آنرپیش کیا، مختلف ممالک کے سفیر بھی اس تقریب میں شریک تھے۔

بعد ازاں شہباز شریف سے وزیر اعظم ہاؤس کے عملے کا تعارف بھی کروایا گیا۔

یاد رہے کہ آج ہی شہباز شریف نے پاکستان کے 24ویں وزیر اعظم کا حلف اٹھایا ہے۔

واضح رہے کہ گزشتہ روز (3 مارچ کو) قومی اسمبلی میں اسپیکر سردار ایاز صادق کی زیر صدارت اجلاس میں صدر مسلم لیگ (ن) میاں محمد شہباز شریف اسلامی جمہوریہ پاکستان کے 24ویں وزیراعظم منتخب ہوگئے تھے۔

انتخابی عمل میں شہباز شریف نے 201 جبکہ ان کے مدمقابل سنی اتحاد کونسل کے امیدوار عمر ایوب خان نے 92 ووٹ حاصل کیے تھے۔