نو منتخب شہباز شریف اپنے عہدے کا حلف اٹھانے کے بعد منگل کو گوادر کا دورہ کریں گے ۔

ڈان نیوز کے مطابق شہباز شریف منگل کو وزیر اعظم کے عہدے کا حلف اٹھائیں گے جس کے بعد وہ بارش سے متاثرہ بلوچستان کے ضلع گوادر کا دورہ کریں گے۔

شہباز شریف کو گوادر میں سیلاب سے ہونے والی تباہ کاریوں، جاری امدادی کاموں اور تعمیر نو پر بریفنگ دی جائے گی۔

وزیراعظم اس کے بعد منگل کی شام ہی کراچی پہنچیں گے جہاں وہ مزار قائد پر حاضری دیں گے۔

دورہ کراچی کے دوران شہباز شریف گورنر اور وزیراعلیٰ سندھ کے ساتھ ساتھ دیگر اعلیی حکام سے بھی ملاقات کریں گے۔