وہاڑی میں مسلم لیگ ہاؤس میں مریم نواز کے وزیر اعلی پنجاب منتخب ہونے کی خوشی میں کارکنان نے جشن منایا ہے۔

ڈان نیوز کے مطابق مسلم لیگ ہاؤس میں ممبر قومی اسمبلی تہمینہ دولتانہ کی ہدایات پر جشن منایا گیا، مرد و خواتین کارکنان نے مریم نواز کے حق میں نعرے لگا کر ایک دوسرے کو مٹھائی بھی کھلائی۔

اس کے علاوہ کارکنان نے ڈھول کی تھاپ پر بھنگڑے ڈال کر خوشی کا اظہار کیا۔

یاد رہے کہ آج ہی مریم نواز پہلی خاتون وزیر اعلٰی پنجاب منتخب ہوئی ہیں۔