مسلم لیگ(ن) کے صدر اور نامزد وزیر اعظم شہباز شریف اور پنجاب اسمبلی میں نامزد وزیر اعلیٰ مریم نواز نے اسپیکر پنجاب اسمبلی منتخب ہونے پر ملک احمد خان کو مبارکباد دی۔

شہباز شریف نے اپنے ایک بیان میں محمد احمد خان کو مبارکباد پیش کرتے ہوئے کہا کہ ملک احمد خان کے اسپیکر پنجاب اسمبلی منتخب ہونے کی خوشی ہے کہ پنجاب اسمبلی کو ایک پڑھا لکھا، تحمل مزاج اور محنتی اسپیکر میسر آیا ہے۔

انہوں نے اپنے پیغام میں کہا کہ ایوان کی بھاری اکثریت نے آپ پر اعتماد کیا اور امید ہے کہ آپ کی بدولت پنجاب اسمبلی کا اعزاز اور وقار بلند ہوگا۔

ان کا کہنا تھا کہ آئین، قانون اور جمہوریت شناس شخصیت کے آنے سے قانون سازی کا معیار بڑھے گا۔

دوسری جانب مریم نواز نے بھی ملک احمد خان کو بھی اسپیکر منتخب ہونے پر مبارکباد پیش کی۔