پاکستان نے ویسٹ انڈیز کو 3 ٹی20 میچوں کی سیریز کے پہلے میچ میں محمد رضوان اور حیدرعلی کی جارحانہ بیٹنگ کے بعد محمد وسیم اور شاداب خان کی شان دار باؤلنگ کی بدولت 65 رنز سےکامیابی حاصل کرکے سیریز میں 0-1 کی برتری حاصل کرلی۔

نیشنل اسٹیڈیم کراچی میں پاکستان نے پہلے بیٹنگ کرتے ہوئے 6 وکٹوں پر 200 رنز بنائے، جس میں محمد رضوان کے 78، حیدر علی کے 68 اور محمد نواز کے 30 رنز شامل تھے۔

ویسٹ انڈیز کو 137 رنز پر آؤٹ کرنے کے لیے محمد وسیم نے کیریئر کی بہترین باؤلنگ کرتے ہوئے 40 رنز دے کر 4 وکٹیں حاصل کیں، شاداب خان نے 3 کھلاڑیوں کو آؤٹ کیا تاہم حیدرعلی کو میچ کا بہترین کھلاڑی قرار دیا گیا۔