کھیل

نیوزی لینڈ سے سیریز سے قبل محمد نواز کورونا کا شکار

پی سی بی کے کووڈ-19 پروٹوکولز کے مطابق قرنطینہ میں بھیج دیا گیا ہے اور ون ڈے سیریز میں شرکت مشکوک ہو گئی ہے۔
عبدالغفار

نیوزی لینڈ کے خلاف اسکواڈ میں شامل قومی ٹیم کے نوجوان اسپنر محمد نواز کا کورونا ٹیسٹ مثبت آگیا ہے اور انہیں پی سی بی کے کووڈ-19 پروٹوکولز کے مطابق قرنطینہ میں بھیج دیا گیا ہے۔

محمد نواز کا کورونا ٹیسٹ گزشتہ روز اسلام پہنچنے پر کی جانے والی کووڈ-19 ٹیسٹنگ کے دوران مثبت آیا۔کورونا کا شکار ہونے کے سبب محمد نواز کی نیوزی لینڈ کے خلاف ون ڈے سیریز میں شرکت مشکوک ہو گئی ہے۔

مزید پڑھیں: ہیڈ کوچ مصباح الحق کا کورونا کا ٹیسٹ مثبت آگیا

قومی اسکواڈ میں شامل دیگر تمام ارکان کے کورونا ٹیسٹ کے نتائج منفی آئے ہیں لہٰذا انہیں 10 ستمبر بروز جمعہ سے پنڈی کرکٹ اسٹیڈیم راولپنڈی میں ٹریننگ کی اجازت ہوگی۔

نیوزی لینڈ کی ٹیم تین ون ڈے اور پانچ ٹی20 انٹرنیشنل میچز پر مشتمل سیریز کھیلنے کے لیے 11 ستمبر کو اسلام آباد پہنچے گی۔

دونوں ممالک کے مابین کرکٹ سیریز 17 ستمبر سے 3 اکتوبر تک جاری رہے گی۔

یہ بھی پڑھیں: دورہ پاکستان کیلئے نیوزی لینڈ کے اسکواڈ کا اعلان، اہم کھلاڑی دستبردار

واضح رہے کہ گزشتہ ماہ سابق ہیڈ کوچ مصباح الحق بھی دورہ ویسٹ انڈیز کے دوران کورونا وائرس کا شکار ہو گئے تھے۔

کورونا کا شکار ہونے کے سبب مصباح ٹیم ے ہمراہ وطن واپس نہیں لوٹے تھے اور انہوں نے 10 دن جمیکا میں قرنطینہ کیا تھا۔

نیوزی لینڈ سے سیریز کا شیڈول

خواتین نے چاہے جو لباس پہنا ہو، مرد اپنی نظروں کا حساب دے گا، حمزہ علی عباسی

’فارمولا کار‘ پر ندا یاسر کی لاعلمی، یاسر نواز نے اہلیہ کا مذاق بنادیا

’جب دنیا سے مل کر چلنا ہوگا تو اس کی سننی اور ماننی بھی ہوگی‘