مگر بھارت سے تعلق رکھنے والے ڈاکٹروں نے اوپر درج علامات کو اس نئی قسم کے ساتھ منسلک کی ہیں۔

برطانیہ اور اسکاٹ لینڈ میں ابتدائی شواہد سے عندیہ ملا ہے کہ یہ نئی قسم ہسپتال میں داخلے کا خطرہ بھی زیادہ بڑھاتی ہے۔

ڈیلٹا جسے پہلے بی 1.617.2 کے نام سے بھی جانا جاتا تھا، گزشتہ 6 ماہ کے دوران 60 سے زیادہ ممالک تک پہنچ چکی ہے اور متعدد ممالک میں کیسز میں اضافے کے بعد سفری پابندیوں کا باعث بی ہے۔

اس قسم کے باعث برطانیہ نے جون کے آخری عشرے میں لاک ڈاؤن کو مکمل ختم کرنے کے منصوبے پر نظر ثانی شروع کردی ہے جبکہ سنگاپور میں 95 فیصد مقامی کیسز اب ڈیلٹا کا نتیجہ ہیں۔

اس نئی قسم کے پھیلاؤ کی زیادہ تفتار اور ویکسینز کی افادیت میں ممکنہ کمی کے باعث اس کے اثرات کے بارے میں جاننا اب بہت اہم ہوچکا ہے۔

چنائی کے اپولو ہسپتال کے وبائی امراض کے ماہر عبدالغفار کے مطابق 'ہمیں مزید سائنسی تحقیق کی ضرورت ہے تاکہ جان سکیں کہ سنگین طبی علامات کا اس قسم سے کوئی تعلق ہے یا نہیں۔

انہوں نے بتایا کہ اب ہمارے پاس ایسے زیادہ کووڈ کے مریض آرہے ہیں جو ہیضے سے متاثر ہیں جبکہ ابتدائی لہر میں یہ شرح بہت کم تھی۔

نیا دشمن

انہوں نے بتایا کہ 'گزشتہ سال ہمارا خیال تھا کہ ہم نے اپنے نئے دشمن کے بارے میں کافی کچھ جان لیا ہے مگر اب یہ خیال بدل گیا ہے، یہ وائرس اب بہت، بہت زیادہ ناقابل پیشگوئی ہوچکا ہے'۔

بھارت بھر میں مریضوں کا علاج کرنے والے 6 ڈاکٹروں کے مطابق معدے میں درد، قے، متلی، کھانے کی اشتہا ختم ہونا، سننے کی حس سے محرومی اور جوڑوں میں درد کووڈ کے مریضوں کو درپیش چند مسائل ہیں۔

آسٹریلیا کی نیو ساؤتھ ویلز یونیورسٹی کی گزشتہ ماہ جاری ہونے والی تحقیق کے مطابق جنوبی افریقہ اور برازیل میں سامنے آنے والی اقسام بیٹا اور گاما میں غیرمعمولی طبی علامات کے شواہد نہ ہونے کے برابر ہیں۔

ممبئی کے ایک طبی ماہر کے مطابق کچھ مریضوں میں خون کے چھوٹے لوتھڑے یا بلڈ کلاٹس کو بھی دریافت کیا گیا جن کی شدت اتنی سنگین تھی کہ متاثرہ حصے مرگئے اور انہیں گنگرین کا سامنا ہوا، 2 افراد کی انگلیاں یا پیر کو کاٹنا پڑا۔

اس نے بتایا کہ گشتہ سال پورے سال میں مجموعی طور پر 3 3سے 4 ایسے کیسز آئے تھے مگر اب ہم ہر ہفتے ایک مریض کو دیکھ رہے ہیں۔

الجھن میں ڈال دینے والے کلاٹس

بھارت میں 2021 کے دوران ایک کروڑ 86 لاکھ نئے کووڈ کیسز رپورٹ ہوئے ہیں جبکہ گزشتہ سال یہ تعداد ایک کروڑ سے کچھ زیادہ تھی۔

بھارتی حکومت کے پینل کی ایک حالیہ تحقیق کے مطابق ڈیلٹا قسم ہی اس کی بنیادی وجہ قرار دی جارہی ہے جو کہ برطانیہ میں دریافت ہونے والی قسم ایلفا سے 50 فیصد یادہ متعدی ہے۔

کیسز میں بہت زیادہ اضافے کے نتیجے میں کووڈ کی عجیب پیچیدگیوں کی شرح مٰں اضافہ ہوا ہے، اب بھی ماہرین مختلف عمر کے گروپس میں بلڈ کلاٹس سے الجھن کا شکار ہیں جن میں اس کی ماضی میں کوئی تاریخ نہیں تھی۔

انہوں نے بتایا کہ ہمیں شبہ ہے کہ ایسا وائرس کی نئی قسم کی وجہ سے ہوا ہے اور ان کی جانب سے ڈیٹا اکٹھا کیا جارہا ہے کہ کچھ افراد کو کلاٹس کا سامنا کیوں ہوتا ہے اور دیگر کو کیوں نہیں۔

ڈاکٹروں نے ان شریانوں میں بھی کلاٹس کو دیکھا ہے جو آنتوں کو خون پہنچاتی ہیں جس کا نتیجہ معدے میں تکلیف کی شکل میں نکلتا ہے یا فی الحال یہی واحد علامت ہے۔

ممئی کے کنگ ایڈورڈ میموریل ہسپتال کی ناک، کان اور گلے کی سرجن ہیتل مارفیتا نے بتایا کہ کووڈ کے مریضوں کو سننے کی حس سے مھرومی، گردن کے ارگرد سوجن اور ٹونسلز کے باعث بھی طبی امداد کے لیے رجوع کرنا پڑا ہے۔

انہوں نے بتایا کہ ہر فرد میں دوسری لہر کے دوران مختلف علامات ظاہر ہوئیں۔

پورے خاندان کا متاثر ہونا

اپوپو ہسپتال کے ماہر عبدالغفار نے بتایا کہ انہوں نے کووڈ 19 کی علامات متعدد مریضوں کے پورے خاندان میں دیکھی تھیں، جبکہ گزشتہ سال انفرادی کیسز زیادہ سامنے آئے تھے، جس سے گھروں کے اندر ڈیلٹا کے پھیلاؤ میں اضافے کا عندیہ بھی ملتا ہے۔