وزیراعلیٰ پنجاب عثمان بزدار نے کہا ہے کہ مری سمیت دیگر سیاحتی مقامات کو جلد کھولنا چاہتے ہیں جبکہ ریسٹورنٹس اور ہوٹلز کو بھی کھولنے کے لیے ایس او پیز کو حتمی شکل دی جا رہی ہے۔

انہوں نے کہا کہ سیاحتی مقامات اور ریسٹورنٹس کو ایس او پیز کے تحت کھولنے کی سفارشات این سی او سی کے اجلاس میں پیش کی جائیں گی اور منظوری کے بعد سیاحتی مقامات اور ریسٹورنٹس کو ایس او پیز کے مطابق کھولا جائے گا۔

حکومت پنجاب کے جاری کردہ بیان کے مطابق وزیراعلیٰ پنجاب نے کہا کہ سیاحتی مقامات اوپن ہونے سے ٹورازم کو فروغ ملے گا۔