اسپیکر قومی اسمبلی اسد قیصر نے کورونا وائرس کا شکار ہونے والے اپنے ایرانی ہم منصب علی لاری جانی کی خط لکھ کر خیریت دریافت کی۔

ایران کی اسمبلی کے اسپیکر علی لاری جانی میں گزشتہ ہفتے کورونا وائرس کی تشخیص ہوئی تھی جس کے بعد سے ان کا علاج جاری ہے۔

اسد قیصر نے اپنے ایرانی ہم منصب کی خیریت دریافت کرتے ہوئے کہا کہ صحت کے اس چیلنج کا سامنا کرنے کے لیے دنیا کا ایک ساتھ کھڑا ہونا انتہائی ضروری ہے کیونکہ اس سے پوری انسانیت کو خطرہ لاحق ہے۔

قومی اسمبلی کے اسپیکر نے کہا کہ وزیر اعظم عمران خان بھی ایران پر عائد عالمی پابندیوں کے خاتمے کا مطالبہ کر چکے ہیں تاکہ ایران مکمل قوت کے ساتھ کورونا وائرس کا مقابلہ کر سکے۔

واضح رہے کہ ایران مشرق وسطیٰ میں وائرس سے سب سے زیادہ متاثر ہونے والا ملک ہے اور وہاں روزانہ کی بنیاد پر 100 سے زائد اموات ہو رہی ہیں۔

ایران میں اب تک کورونا سے 60سے زائد افراد متاثر جبکہ 3ہزار 739ہلاک ہو چکے ہیں۔