پاکستان مسلم لیگ (ن) کے صدر شہباز شریف نے ملک میں کورونا وائرس کے تیزی سے پھیلاؤ کا فی الفور نوٹس لینے کا مطالبہ کرتے ہوئے کہا ہے کہ فوری اقدامات نہ کیے گئے تو وہ پنجاب میں بڑی تباہی دباہی دیکھ رہے ہیں۔

اپنے ایک بیان میں انہوں نے کہا کہ حکومت کورونا وائرس کا ٹیسٹ نہ کرنے کے فیصلے سے قوم کی جان خطرے میں ڈال رہی ہے۔

شہباز شریف کا کہنا تھا کہ کورونا کے مریضوں، ٹیسٹنگ اور اسکرینگ سے متعلق تمام ڈیٹا سامنے لایا جائے کیونکہ حکومت کی جانب سے یہ اعداد و شمار چھپانا جرم ہے۔