جانوروں کی دنگ کردینے والی انعام یافتہ تصاویر

مارموٹ تو مشکل میں ہے مگر اس تصویر نے ضرور کامیابی حاصل کرلی ہے۔

وائلڈ لائف فوٹوگرافر آف دی ائیر کا ایک بین الاقوامی مقابلہ ہے جو لندن کے نیچرل ہسٹری میوزیم کی جانب سے منعقد کرایا جاتا ہے۔

اس سال مقابلے کے لیے سو ممالک سے 48 ہزار انٹریز بھیجی گئیں اور 19 کیٹیگریز ونرکا ناموں کا اعلان کیا گیا، جبکہ ایک سو تصاویر کو نیچرل ہسٹری میوزیم میں نمائش کے لیے رکھا جائے گا اور پھر برطانیہ، امریکا اور آسٹریلیا میں متعدد مقامات پر بھی ان کی نمائش ہوگی۔

دی مومنٹ

اس تصویر کی کہانی تو اوپر بیان ہوچکی ہے اور اس کو لینے والے وائلڈ لائف فوٹوگرافر آف دی ائیر قرار پائے۔

نائٹ گلو

14 سال کے کروز ارڈمان کو ینگ وائلڈ لائف فوٹوگرافر قرار دیا گیا اور انہوں نے انڈویشیا کے ساحلی علاقے میں رات کو اس بڑی سکویڈ کی تصویر لی جو جگمگاتی ہوئی محسوس ہورہی ہے۔

ہمنگ سرپرائز

تھامس ایسٹربروک کو 10 یا اس سے کم عمر فوٹوگرافر میں پہلا انعام ملا جس میں ایک ہمنگ برڈ ایک پھول سے رس چوس رہا ہے۔

ارلی رائزر

15 سے 17 سال کے فوٹوگرافر کی کیٹیگری کا اعزاز ریکارڈو مارشیگینی نے اس تصویر کی بدولت اپنے نام کیا، جس میں گیلادا نامی بندر کی نسل سے تعلق رکھنے والی ماں اپنے بچے کے ساتھ ایک جگہ سے گزر رہی ہے۔

سنو پلیٹو نوماڈز

چین کے شانگ زین فان نے اپنے ماحول میں موجود جانوروں کی کیٹیگری کا ایوارڈ اپنے نام کیا، اس تصویر میں تبت میں پائے جانے والے بارہ سینگوں کی نسل کے نر chiru کا ریوڑ چین کے ایک صحرا پر برفانی ڈھلان سے گزر رہا ہے اور ان کے نقش برف پر بن گئے ہیں۔

دھوکا دیتے چہرے

بھارت کے Buxa ٹائیگر ریزرو میں فوٹوگرافر ریپن بسواس نے اس مکڑی کو کیمرے کی آنکھ میں محفوظ کیا جو ایک سرخ چیونٹیوں کی کالونی کے قریب خود کو ایک چیونٹی کی طرح ظاہر کررہی تھی، یہ مکڑی بظاہر ان کا شکار کرنے کا ارادہ رکھتی ہے۔

آبی عجوبے

پونڈ ورلڈ نامی کیٹیگری میں اٹلی کے ساﺅتھ ٹرول کے اس تالاب میں موجود مینڈکوں کی اس خوابناک تصویر کو مینوئل پیلاکنر نے کیمرے کی آنکھ میں محفوظ کرکے انعام جیتا۔

عقاب کی سرزمین

شمالی ناروے میں فوٹوگرافر آڈیون رکارڈسن نے اپنے گھر کے قریب ایک کیمرا 3 سال قبل ایک درخت کی شاخ میں لگا دیا تھا اور سنہرا عقاب بتدریج اس کیمرے کا عادی ہوگیا اور اس شاخ پر آکر بیٹھنے لگا۔

چیونٹیوں کی فوج

امریکی فوٹو گرافر ڈینیئل کرونیور نے چیونٹیوں کی اس کالونی کی تصویر کوسٹا ریکار میں لی، یہ چیونٹیاں دن کے وقت اپنے جسموں کو استعمال کرکے ملکہ اور انڈوں کے لیے گھونسلا بنالیتی ہیں۔

پوما کا حملہ

چلی کے سطح مرتفع پیٹاگونیا میں پوما کی جانب سے لیما کی نسل کے اس چوپائے پر حملے کو کیمرے کی آنکھ جرمنی کے انگو آرنڈٹ نے محفوظ کیا۔

چوہوں کا اجتماع

اربن وائلڈ لائف کیٹیگری کے لیے نیویارک کے بھورے چوہوں کے اجتماع کی اس تصویر نے چالی ہملٹن جونز کو کیٹیگری کا فاتح بنادیا۔

سنو اینجل

امریکی فوٹوگرافر میکس واہ کو بلیک اینڈ وائٹ فوٹوگرافی کیٹیگری کا انعام اس تصویر میں ملا جو یلو اسٹون نیشنل پارک میں سرما کے ایک برفانی طوفان کا سامنا کرنے والے امریکن بائی سن کی ہے۔