پپیتا ایسا پھل ہے جو تقریباً سارا سال ہی دستیاب ہوتا ہے اور اس کے فوائد بیشتر افراد جانتے ہیں۔

اس پھل کو مختلف پکوان پکانے کے لیے بھی تیار کرنا چاہتے ہیں مگر کیا آپ کو معلوم ہے کہ پپیتا توند کی اضافی چربی سے نجات کے لیے بھی استعمال کیا جاسکتا ہے؟

یہ پھل غذائی اجزاءجیسے اینٹی آکسائیڈنٹس، منرلز اور وٹامنز سے بھرپور ہوتا ہے جبکہ یہ نظام ہاضمہ کو بہتر کرنے کے ساتھ جگر کی صفائی بھی کرتا ہے۔

مزید پڑھیں : پپیتا بے شمار فوائد کا حامل

پپیتے میں کیلوریز بہت کم ہوتی ہیں جبکہ جسم کو صحت مند بھی رکھتا ہے۔

موٹاپے سے نجات کے لیے پپیتے کے چند فوائد

فائبر سے بھرپور: فائبر سے بھرپور غذائیں نظام ہاضمہ کے لیے بہترین ہوتی ہیں اور پیٹ کو زیادہ دیر تک بھرا رکھتی ہیں، جس سے بے وقت کھانے کی عادت سے نجات میں مدد ملتی ہے۔ یہی وجہ ہے کہ موٹاپے سے نجات کے خواہشمند افراد کو فائبر سے بھرپور غذائیں کھانے کا مشورہ دیا جاتا ہے۔

ورم کے خلاف مفید: پپیتا اینٹی آکسائیڈنٹ سے بھرپور پھل ہے جو کہ جسمانی ورم کے خلاف لڑتا ہے، جسمانی ورم بھی جسمانی وزن میں کمی لانے کی کوششوں میں رکاوٹ ہے۔

یہ بھی پڑھیں : کیا فالسے کے یہ فوائد جانتے ہیں؟

ہاضمہ بہتر کرے: پپیتا نظام ہاضمہ بہتر کرنے کے ساتھ ساتھ قبض کے خلاف بھی لڑتا ہے، صحت مند معدہ اور نظام ہاضمہ جسمانی وزن میں صحت مند کمی کے لیے ضروری عناصر ہیں۔

پروٹین جذب کرنے میں مددگار: اس پھل میں پائے جانے والے اینٹی آکسائیڈنٹ گوشت کو ہضم کرنے کے ساتھ گوشت میں موجود پروٹین کو جسم میں جذب ہونے میں بھی مدد دیتے ہیں، پروٹین وہ جز ہے جو جسمانی وزن میں مدد دیتا ہے۔

توند سے نجات کے لیے پپیتے کو کیسے کھائیں؟

بہترین نتائج یعنی توند کی اضافی چربی گھلانے کے لیے پپیتے کو ناشتے میں کھانا بہتر ہوتا ہے یا دوپہر اور رات کے کھانے کے دوران کھائیں۔ ناشتے میں اس پھل کو کھانا معیاری پروٹین اور کچھ مقدار میں صحت مند فیٹس کے حصول میں مدد دیتا ہے۔ اسی طرح کھانے کے دوران اسے کھانا پیٹ کو زیادہ دیر تک بھرا رکھتا ہے اور بے وقت ایسی اشیاءکی اشتہا ختم کرتا ہے جو موٹاپے کا باعث بنتی ہیں۔

نوٹ: یہ مضمون عام معلومات کے لیے ہے۔ قارئین اس حوالے سے اپنے معالج سے بھی ضرور مشورہ لیں۔