متحدہ عرب امارات: عید الفطر پر ملازمین نے کار، فلائٹ ٹکٹ، موبائل فون جیت لیے
یہ عید الفطر روبیل احمد شمشاد علی کے لیے ہمیشہ خاص رہے گی، جنہوں نے متحدہ عرب امارات بھر میں کارکنوں کی محنت اور خدمات کو خراج تحسین پیش کرنے کے لیے منعقدہ ایک تقریب میں بالکل نئی گاڑی جیت لی۔
اس تقریب میں ایک لاکھ سے زائد کارکنوں کی خدمات کا جشن منایا گیا جنہوں نے ملک کی ترقی اور خوشحالی میں اہم کردار ادا کیا ہے، روبیل احمد کی جیت متحدہ عرب امارات کی جانب سے ملک کی ترقی کی تشکیل میں اپنے کارکنوں کی لگن کی تعریف کی عکاسی کرتی ہے۔
وزارت انسانی وسائل اور امارات (مہرے) نے وفاقی اور مقامی حکومتوں میں اپنے شراکت داروں کے تعاون سے متحدہ عرب امارات بھر میں 10 مختلف مقامات پر عید الفطر منانے کے لیے کارکنوں کے لیے سماجی اور تفریحی سرگرمیوں سمیت جشن کی تقریبات کا ایک سلسلہ منعقد کیا۔
روبیل نے عید کے دوسرے روز منعقدہ خصوصی قرعہ اندازی میں نسان سنی کار جیت لی، اعلیٰ حکام نے شاندار اسٹیج پر پرجوش روبیل کو گاڑی پیش کی،بعدازاں روبیل نے اپنی نئی گاڑی کے سامنے کھڑے ہوکر تصاویر بنوائیں۔
عید کے پہلے اور دوسرے دن دوپہر 12 بجے سے شام 6 بجے تک ہونے والی تقریبات میں مختلف قسم کے کھیلوں، تفریح، مقابلوں اور تحائف کا اہتمام کیا گیا، جن میں ای اسکوٹر، موبائل فون اور ایئر لائن ٹکٹ شامل تھے۔
اس کے علاوہ ابوظہبی میں مصفحہ اور المفراق، دبئی میں جبل علی، شارجہ میں السجا، عجمان میں الجرف، ام القوین، راس الخیمہ میں راکیز، فجیرہ میں ال ہیل انڈسٹریل اور ڈلسکو لیبر ولیج میں بھی کارکنوں میں تحائف تقسیم کیے گئے۔
ان سرگرمیوں کا مقصد ملک کی پائیدار ترقی میں ان کے اہم کردار کو تسلیم کرتے ہوئے افرادی قوت میں خوشی، معیار زندگی اور فلاح و بہبود کو فروغ دینا تھا۔
مہرے کے حکام نے نے اپنے شراکت داروں کے ساتھ ملک بھر میں نماز عید کے اجتماعات منعقد کیے تھے اور کارکنوں کے ساتھ نماز عید ادا کرکے انہیں مبارکباد پیش کی تھی۔
لائیو ٹی وی