بولی وڈ اسٹارز کا عوام کو حق رائے دہی استعمال کرنے کا مشورہ
بھارت کے لوک سبھا (ایوان زیریں) کے 17 ویں انتخابات کے چوتھے مرحلے کے لیے 29 اپریل کو ووٹنگ ہوئی۔
انتخابات کے چوتھے مرحلے میں بھارت کے 12 کروڑ سے زائد ووٹرز اپنا حق رائے دہی استعمال کریں گے اور ملک بھر کی 72 نشستوں سے ارکان کا انتخاب کیا جائے گا۔
چوتھے مرحلے کے لیے ریاست بہار کی 5 نشستوں، مہاراسٹرا کی 17 نشستوں، راجستھان کی 13 نشستوں، اترپردیش کی 13 نشستوں، اڈیسہ کی 6 نشستوں، مدھیا پردیش کی 6 نشستوں، مغربی بنگال کی 8، جھارکھنڈ کی 3 اور بھارت کے زیر تسلط کشمیر کی ایک نشست سے ارکان کا انتخاب ہوگا۔
29 اپریل کو ریاست مہارا شٹر کے دارالحکومت ممبئی کی بھی متعدد نشستوں پر ووٹنگ ہوئی اور اس شہر میں ارب پتی افراد اور بولی وڈ اسٹارز کے ووٹ بھی رجسٹرڈ ہیں، جنہوں نے ووٹ کاسٹ کرنے کے بعد عوام کو بھی اپنا حق رائی استعمال کرنے کا مشورہ دیا۔
گزشتہ برس دسمبر میں امریکی گلوکار نک جونس سے شادی کے بندھن میں بندھ جانے کے بعد امریکا منتقل ہونے والی اداکارہ پریانکا چوپڑا نے بھی ممبئی میں ووٹ کاسٹ کیا اور اپنے مداحوں کو لازمی ووٹ ڈالنے کا مشورہ دیا۔
پریانکا چوپڑا نے والد کے ہمراہ ممبئی کے علاقے ورسووا میں ووٹ کاسٹ کیا اور بعد ازاں انہوں نے ووٹ کاسٹ کرنے کے بعد سوشل میڈیا پر تصویر شیئر کرتے ہوئے مداحوں کو بھی پولنگ اسٹیشن آنے کا مشورہ دیا۔
ماضی کی مقبول اداکارہ ریکھا نے بھی اپنا حق رائی استعمال کیا۔
دھک دھک گرل مادھوری ڈکشٹ بھی ووٹ کاسٹ کرنے پہنچیں اور مداحوں کو مشورہ دیا کہ وہ ملک کے لیے ووٹ کاسٹ کرنے نکلیں۔
بولی وڈ مسٹر پرفیکشنسٹ عامر خان نے اپنی اہلیہ فلم ساز کرن راؤ کے ہمراہ ووٹ کاسٹ کیا اور انہوں نے ووٹنگ کے دن کو بھارتیوں کے لیے سب سے اہم دن قرار دیا۔
ایکشن ہیرو اجے دیوگن اپنی اہلیہ اداکارہ کاجول کے ہمراہ ووٹ کاسٹ کرنے کے لیے پہنچے۔
بولی وڈ بے بو کرینہ کپور بھی اپنا حق رائی استعمال کرنے پہنچیں اور انہوں نے بھی مداحوں کو ہر حال میں ووٹ کاسٹ کرنے کا مشورہ دیا۔
ایکشن ہیرو ورون دھون نے بھی ممبئی میں ووٹ کاسٹ کیا اور بعد ازاں سوشل میڈیا پر تصویر شیئر کرتے ہوئے انہوں نے بھی مداحوں کو ووٹ کاسٹ کرنے کے لیے گھر سے نکلنے کا مشورہ دیا۔
کانگریس رہنما اور اداکارہ ارمیلا ماٹونڈکر نے بھی ممبئی میں حق رائی استعمال کیا اور لوگوں کو ووٹ کاسٹ کرنے کے لیے گھروں سے نکلنے کا مشورہ دیا۔
حکمران جماعت بھارتی جنتا پارٹی (بی جے پی) کے رہنما اور اداکار پاریش راول نے بھی ممبئی میں ووٹ کاسٹ کیا،
بولی وڈ اداکارہ سونالی باندرے بھی اپنے شوہر گوڈی بہل کے ہمراہ ووٹ کاسٹ کرنے پہنچیں۔
اداکارہ دیا مرزا بھی حق رائی استعمال کرنے کے لیے پولنگ اسٹیشن پہنچیں۔
اداکار عمران ہاشمی نے بھی ووٹ کاسٹ کیا اور لوگوں کو اپنا حق رائی استعمال کرنے کا مشورہ دیا۔
بولی وڈ کوئین کنگنا رناوٹ بھی حق رائی استعمال کرنے پہنچیں۔
فلم ساز مہیش بھٹ نے بھی ممبئی میں اپنا حق رائی دہی استعمال کیا اور انہوں نے اس دن کو عوام کے لیے سب سے اہم قرار دیا۔
لائیو ٹی وی