کراچی: بند مکان سے اسلحے کی بڑی کھیپ پکڑی گئی
کراچی پولیس نے عزیز آباد کے علاقے میں نائن زیرو کے قریب سے اسلحے کی بڑی کھیپ پکڑ لی۔
ایڈیشنل آئی جی پولیس مشتاق مہر نے کراچی میں پریس کانفرنس کے دوران بتایا کہ صبح 5 بجے کے قریب ایک گرفتار ملزم کی نشاندہی پر نائن زیرو کے قریب ایک بند مکان پر چھاپہ مارا گیا، جس کی ٹینکی سے بڑی تعداد میں اسلحہ اور گولہ بارود برآمد ہوا۔
ان کا کہنا تھا کہ پولیس نے مکان کے ٹینک سے اینٹی ایئرکرافٹ گن، اینٹی ٹینک مائن اور دیگر ہتھیار بھی برآمد کیے۔
مشتاق مہر نے بتایا کہ یہ اسلحہ 9 اور 10 محرم الحرام کو دہشت گردی کی کارروائیوں میں استعمال ہونا تھا۔
