بی سی سی آئی کے صدر ششانک منوہر مستعفی
ہندوستانی کرکٹ بورڈ(بی سی سی آئی) کے صدر ششانک منوہر نے لودھا کمیٹی کی جانب سے تجاویز کے تناظر میں سپریم کورٹ کے ساتھ پیدا ہونے قانونی مسائل کے سبب اپنے عہدے سے استعفیٰ دے دیا ہے۔
ششانک منوہر کا یہ فیصلہ ایک ایسے موقع پر سامنے آیا ہے جب رواں ماہ کے آخر میں انٹرنیشنل کرکٹ کونسل(آئی سی سی) ششانک منوہر کی جگہ نئے چیئرمین کا اعلان کرے گا۔
آئی سی سی نے فروری میں اعلان کیا تھا کہ نیا چیئرمین آزاد ہو گا اور وہ ششانک منوہر اور سری نواسن کی طرح اپنے بورڈ میں کوئی عہدہ نہیں رکھ سکیں گے۔
ششانک منوہر نے کہا کہ میں فوری طور پر بی سی سی آئی کے صدر کے عہدے استعفیٰ دے رہا ہوں۔
انہوں نے کہا کہ ہم اس کے ساتھ ساتھ انٹرنیشنل کرکٹ کونسل اور ایشین کرکٹ کونسل میں ہندوستانی بورڈ کے نمائندے کے عہدے سے بھی استعفیٰ دیتا ہوں۔
دوسری مرتبہ ہندوستان کے صدر بننے والے جگموہن ڈالمیا کے انتقال کے بعد اکتوبر 2015 میں بی سی سی آئی کا صدر منتخب کیا گیا تھا۔
بی سی سی آئی کے آئین کے مطابق اگر بورڈ کا صدر اپنے عہدے سے استعفیٰ دے تو سیکریٹری کو دو ہفتے کے اندر اندر جنرل باڈی کا اجلاس بلانا ہوتا ہے تاکہ مستقبل کا فیصلہ کیا جا سکے۔
آپ موبائل فون صارف ہیں؟ تو باخبر رہنے کیلئے ڈان نیوز کی فری انڈرائیڈ ایپ ڈاؤن لوڈ کریں۔
لائیو ٹی وی